Կայքի այցելու՝ / կայք այցելած անձ՝ առանց Պատվերի տեղադրման նպատակի:

Օգտատեր՝ ֆիզիկական անձ, Կայքի այցելու, որն ընդունում է սույն Համաձայնագրի պայմանները և ցանկանում է Պատվերներ կատարել HENDERSON Ինտերնետ խանութում:

Գնորդ՝ HENDERSON Ինտերնետ խանութում Պատվեր կատարած օգտատեր:

Վաճառող (HENDERSON)՝ «ՍԻ ԷՖ ԹԻ» (պետ․ գրանցման համար՝ 273.110.1223498, ՀՎՀՀ՝02855293)

Պատվերն ընդունող՝ «ՏԱՄԻ Ի ԿՈ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅՈՒՆ (ՀՊԳՀ 1037727018449, ՀԿՊ 7727245824):

Ինտերնետ խանութ՝ «ՏԱՄԻ ԵՎ ԿՈ» ՍՊԸ պատկանող ինտերնետ-կայք /ինտերնետ հասցեով, որտեղ ներկայացված են գնման համար առաջարկվող Ապրանքները, ինչպես նաև Ապրանքների վճարման և հաճախորդներին առաքման պայմանները:

Կայք՝ - /

Ապրանք՝ հագուստ, կոշիկ, Աքսեսուարներ և Կայքում վաճառքի ներկայացված այլ ապրանքներ:

Ապրանքի գինը՝ ապրանքի արժեքի դրամական արտահայտությունը:

Պատվեր՝ Գնորդի կողմից պատշաճ ձևակերպված հարցում Գնորդի կողմից նշված հասցեով գնման և առաքման մասին /Կայքում ընտրված ապրանքները վերցնելու միջոցով:

Առաքման ծառայություն՝ HENDERSON-ի հետ պայմանագրի համաձայն Գնորդներին Պատվերների առաքման ծառայություններ մատուցող երրորդ անձ։

Ակցիա՝ HENDERSON-ի առաջարկը որոշակի ժամանակահատվածում հատուկ պայմաններով որոշակի տեսականու Ապրանք վաճառելու վերաբերյալ:

Օֆերտայի ընդունում Պատվիրատուի կողմից սույն պայմանագրի ամբողջական և անվերապահ ընդունում Պատվերի ձևակերպման և հաստատման միջոցով:

Պատվերի չեղարկում՝ մանրածախ առուվաճառքի պայմանագրի կատարումից միակողմանի հրաժարում։

Գրանցում՝ ընթացակարգ, որի ընթացքում Գնորդը կայքի միջոցով տրամադրում է ծառայությունների կատարման համար անհրաժեշտ HENDERSON տեղեկատվություն։ Գրանցումը համարվում է ավարտված միայն այն դեպքում, եթե դրա բոլոր փուլերը հաջողությամբ անցել են Կայքում հրապարակված հրահանգներին համապատասխան: Գրանցման արդյունքում ստեղծվում է Պատվիրատուի հաշիվ: Գրանցման ընթացքում հաղորդված տեղեկատվությունը հետագայում Պատվիրատուի կողմից կարող է փոփոխվել:

Անձնական տվյալներ՝ անձնական տվյալների սուբյեկտին ուղղակիորեն կամ անուղղակիորեն առնչվող ցանկացած տեղեկատվություն,

Անձնական տվյալների սուբյեկտ՝ որոշակի ֆիզիկական անձ (օգտատեր), որ հանդիսանում է իրեն պատկանող անձնական տվյալների միանձնյա սեփականատեր,

Անհատական տվյալների մշակում՝ ցանկացած գործողություն (գործառնություն) կամ գործողությունների (գործառնությունների) ամբողջություն, որոնք կատարվում են անձնական տվյալների հետ ավտոմատացման միջոցների օգտագործմամբ կամ առանց այդպիսի միջոցների օգտագործման, այդ թվում ՝ հավաքում, գրառում, համակարգում, կուտակում, պահպանում, ճշգրտում (թարմացում, փոփոխություն), դուրս գրում, օգտագործում, փոխանցում (տարածում, տրամադրում, հասանելիություն), անհատական տվյալների ապանձնացում, արգելափակում, հեռացում, ոչնչացում;

Անձնական տվյալների օպերատոր՝ իրավաբանական անձ, որը կազմակերպում և իրականացնում է անձնական տվյալների մշակում, ինչպես նաև որոշում է անձնական տվյալների մշակման նպատակները, մշակման ենթակա անձնական տվյալների կազմը, անձնական տվյալների հետ կատարված գործողությունները (գործառնությունները):

1.1. Սույն Օգտատիրոջ համաձայնագիրը (այսուհետ՝ Համաձայնագիր) նախատեսված է Հայաստանի տարածքում գտնվող Օգտատերերի համար, վերաբերում է HENDERSON Ինտերնետ խանութի կայքին, որը գտնվում է հասցեում։

1.2. Ինտերնետ խանութի կայքը (այսուհետ՝ Կայք) հանդիսանում է «ՏԱՄԻ ԵՎ ԿՈ» ՍՊԸ (այսուհետ՝ Կայքի ադմինիստրացիա) սեփականությունը, իրավաբանական հասցեն՝ 141402, ՄՈՍԿՎԱՅԻ ՄԱՐԶ, ԽԻՄԿԻ ՔԱՂԱՔԱՅԻՆ ՇՐՋԱՆ, ՔԱՂԱՔ ԽԻՄԿԻ, ՌԵՊԻՆԻ ՓՈՂ., Շ. 34, 6-րդ ՀԱՐԿ, 623 ՍԵՆՅԱԿ:

1.3. Սույն Համաձայնագիրը կարգավորում է / Ինտերնետ խանութի և սույն Կայքի Օգտատիրոջ միջև հարաբերությունները:

1.4. Համաձայնագիրը կարող է փոփոխվել Կայքի ադմինիստրացիայի կողմից միակողմանի կարգով՝ առանց Օգտատիրոջը ծանուցելու: Համաձայնագրի նոր խմբագրությունն ուժի մեջ է մտնում Կայքում հրապարակման պահից 10 (տասը) օրացուցային օրվա լրանալուց հետո, եթե սույն Համաձայնագրի պայմաններով այլ բան նախատեսված չէ։

1.5. Օգտատիրոջ կողմից Կայքի օգտագործումը շարունակելը նշանակում է Համաձայնագրի և սույն Համաձայնագրում կատարված փոփոխությունների ընդունում:

1.6. Սույն Համաձայնագրի բոլոր փոփոխությունները կհրապարակվեն կայքում: Կայքի շարունակական օգտագործումը ենթադրում է Օգտատիրոջ համաձայնությունը այս փոփոխություններին:

1.7. Ինտերնետ խանութի Կայքում տեղադրված տեղեկատվությունը պարունակում է տեղեկատվություն ապրանքների, ապրանքների վաճառքի պայմանների վերաբերյալ և ներկայացնում է հրապարակային օֆերտա՝ ՀՀ Քաղաքացիական օրենսգրքի 453-րդ հոդվածի համաձայն։

1.8. Հրապարակային օֆերտան համարվում է ակցեպտավորված Կայքի Այցելուի / Գնորդի կողմից Կայքում Այցելուի գրանցման, Գնորդի կողմից Կայքում առանց իրավազորման Պատվերի ձևակերպման, ինչպես նաև 8248 հեռախոսահամարով Գնորդից Պատվերի ստացման պահից:

1.9. Մանրածախ առուվաճառքի պայմանագիրը համարվում է կնքված Վաճառողի կողմից Գնորդին դրամարկղային կամ ապրանքային կտրոն կամ ապրանքի վճարումը հաստատող այլ փաստաթուղթ փոխանցելու պահից։

1.10. Վաճառողին հայտնելով իր էլեկտրոնային փոստի հասցեն և հեռախոսահամարը՝ Կայքի Այցելուն/ Օգտատերը/ Գնորդը համաձայնություն է տալիս Վաճառողի, ինչպես նաև Կայքի Այցելուների/Օգտատերերի/Գնորդների նկատմամբ պարտավորությունների կատարման նպատակով ներգրավված երրորդ անձանց կողմից նշված կապի միջոցների օգտագործմանը՝ զեղչերի, առաջիկա և գործող ակցիաների և Վաճառողի այլ միջոցառումների, Պատվերը առաքման փոխանցելու, ինչպես նաև պարտավորությունների կատարման հետ անմիջականորեն կապված այլ տեղեկատվություն պարունակող գովազդային և տեղեկատվական բնույթի հաղորդագրությունների իրականացման նպատակով։

1.11. Ինտերնետ խանութից գնումներ կարող է կատարել 18 տարին լրացած ցանկացած ֆիզիկական անձ, որը կարող է ընդունել ապրանքը և վճարել դրա համար, և որն ապրանքները ձեռք է բերում կամ օգտագործում բացառապես ձեռնարկատիրական գործունեության իրականացման հետ կապ չունեցող անձնական կարիքների համար, պայմանով, որ Օգտատերը հասանելիություն ունի Պատվերի էջին։

1.12. Ապրանքը կատալոգում ներկայացված է լուսանկարների նմուշների միջոցով, որոնք հանդիսանում են Ինտերնետ խանութի սեփականությունը:

1.13. Ապրանքի ներկայացումը կատարվում է Ապրանքի բնութագրերի գրաֆիկական, մուլտիմեդիոն կամ տեքստային տեղեկատվության ձևով նկարագրման եղանակով։

1.14. Ինտերնետ խանութի կայքի բովանդակությունը (այսուհետ՝ Բովանդակություն) մտավոր գործունեության պահպանվող արդյունքներն են, ներառյալ գրական ստեղծագործությունների տեքստերը, դրանց անվանումները, նախաբանները, ծանոթագրությունները, հոդվածները, նկարազարդումները, շապիկները, երաժշտական ստեղծագործությունները տեքստով կամ առանց տեքստի, գրաֆիկական, տեքստային, լուսանկարչական, ածանցյալ, կոմպոզիտային և այլ ստեղծագործությունները, օգտատիրոջ ինտերֆեյսերը, վիզուալ ինտերֆեյսեր, ապրանքային նշանների անվանումները, լոգոտիպները, ԷՀՄ ծրագրերը, տվյալների բազաները, ինչպես նաև տվյալ Բովանդակության դիզայնը, կառուցվածքը, ընտրությունը, համակարգումը, տեսքը, ընդհանուր ոճը և տեղակայման վայրը, որը մտնում է Կայքի կազմի մեջ, և Ինտերնետ խանութի կայքում պարունակվող մտավոր սեփականության այլ օբյեկտները բոլորը միասին և/կամ առանձին-առանձին։

2.1. Կայքում գրանցումն իրականացվում է Կայքում անձնական կաբինետի ստեղծման միջոցով:

2.2. HENDERSON-ը պատասխանատվություն չի կրում գրանցման ընթացքում Օգտատիրոջ կողմից տրամադրված տեղեկատվության հստակության և ճշգրտության համար:

2.3. Օգտատերը պարտավորվում է երրորդ անձանց չհայտնել գրանցման ժամանակ Օգտատիրոջ կողմից նշված մուտքանունն ու գաղտնաբառը։ Օգտատիրոջ մոտ իր մուտքանունի և գաղտնաբառի անվտանգության կամ երրորդ անձանց կողմից դրանց չթույլատրված օգտագործման հնարավորության վերաբերյալ կասկածներ առաջանալու դեպքում Օգտատերը պարտավորվում է այդ մասին անհապաղ ծանուցել HENDERSON-ին՝ ուղարկելով համապատասխան էլեկտրոնային նամակ privilege@henderson.am հասցեին։

3.1. Սույն Համաձայնագրի առարկան Օգտատիրոջը ձեռնարկատիրական գործունեության իրականացման հետ չկապված անձնական, ընտանեկան, տնային և այլ կարիքների համար / Ինտերնետ խանութի կատալոգում ներկայացված ապրանքները ձեռք բերելու հնարավորության տրամադրումն է։

3.2. Պատվիրված ապրանքների նկատմամբ սեփականության իրավունքը Գնորդին է անցնում Ապրանքը Գնորդին փաստացի փոխանցելու և վերջինիս կողմից ապրանքի ամբողջական արժեքը վճարելու պահից: Ապրանքի պատահական ոչնչացման կամ վնասման ռիսկը անցնում է Գնորդին ապրանքը Գնորդին փաստացի փոխանցելու պահից:

3.3. Ապրանքի գները որոշվում են Վաճառողի կողմից միակողմանի անվիճելի կարգով և նշվում են Ինտերնետ խանութի էջերում:

3.4. Ապրանքի գինը նշվում է դրամով և ներառում է ավելացված արժեքի հարկը։

4.1. Սույն Գաղտնիության և անձնական տվյալների մշակման քաղաքականությունը գործում է այն ամբողջ տեղեկատվության նկատմամբ, որը HENDERSON-ը կարող է ստանալ Օգտատիրոջ մասին HENDERSON ինտերնետ խանութի կայքի, HENDERSON ծրագրերի և արտադրանքի օգտագործման ժամանակ, HENDERSON-ի կողմից օգտատիրոջ հետ ցանկացած պայմանագրի կատարման ընթացքում, ներառյալ տեղեկատվություն ուղարկելու հնարավորությունը, այդ թվում նաև՝ գովազդային բնույթի։

4.1.1. «Անձնական տվյալների պաշտպանության մասին» 18.05.2015թ. թիվ ՀՕ-49-Ն ՀՀ օրենքի իմաստով «ՏԱՄԻ ԵՎ ԿՈ» ՍՊԸ-ն հանդիսանում է Անձնական տվյալների մշակող:

4.2. «ՏԱՄԻ ԵՎ ԿՈ» ՍՊԸ-ն ձեռնարկում է անհրաժեշտ և բավարար կազմակերպչական և տեխնիկական միջոցներ՝ Հաճախորդի անձնական տեղեկատվությունը սխալ կամ պատահական հասանելիությունից, ոչնչացումից, փոփոխությունից, արգելափակումից, պատճենումից, բաշխումից, ինչպես նաև դրա հետ երրորդ անձանց այլ անօրինական գործողություններից պաշտպանելու համար:

4.3. Հաճախորդի անձնական տվյալների անվտանգության ապահովումը կատարվում է դրանց մշակման ընթացքում անձնական տվյալների անվտանգության սպառնալիքների որոշման մոնիտորինգի, դրանց մշակման ընթացքում անձնական տվյալների անվտանգության ապահովման համար կազմակերպչական և տեխնիկական միջոցների կիրառման, անձնական տվյալների անվտանգության ապահովման ուղղությամբ ձեռնարկված միջոցառումների արդյունավետության գնահատման, Անձնական տվյալների հանդեպ չթույլատրված հասանելիության փաստերի հայտնաբերման և դրանց վերացման ուղղությամբ միջոցների ձեռնարկման, անձնական տվյալների հասանելիության կանոնների սահմանման, անձնական տվյալների անվտանգության ապահովման ուղղությամբ ձեռնարկված միջոցների վերահսկման միջոցով։

4.4. Տրամադրված տեղեկատվության օգտագործումը տեղի է ունենում միայն Օգտատիրոջ կարիքների ու հետաքրքրությունների հաշվառմամբ: Անձնական տվյալները տրամադրվում են Օգտատիրոջ կողմից կայքի օգտագործման շրջանակներում Օգտատիրոջ նույնականացման, գնումների կատարման (գրանցում, պատվերի կարգավիճակի մասին ծանուցում, վճարումների մշակում և ստացում), HENDERSON-ի կողմից հրապարակային օֆերտայի շրջանակներում Օգտատիրոջ նկատմամբ պարտավորությունների կատարման, ապրանքների առաքման կազմակերպման, Օգտատիրոջ բավարարվածության և ծառայությունների որակի վերահսկման, ապրանքների, միջոցառումների կամ ծառայությունների մասին նորությունների, տեղեկատվության ստացման, մրցույթներին և մրցանակների խաղարկություններին մասնակցության, գովազդային ակցիաների վերաբերյալ տեղեկատվության ստացման նպատակով։

4.5. Օգտատերերի անձնական տվյալները հավաքվում, պահվում, մշակվում, օգտագործվում և փոխանցվում են «Անձնական տվյալների պաշտպանության մասին» 18.05.2015թ. թիվ ՀՕ-49-Ն ՀՀ օրենքին և Անձնական տվյալների գաղտնիության և մշակման սույն քաղաքականությանը համապատասխան։

4.6. Անձնական տվյալների գաղտնիության և մշակման սույն քաղաքականության շրջանակներում մշակման համար թույլատրված անձնական տվյալները տրամադրվում են Օգտատիրոջ կողմից HENDERSON կայքում գրանցման ձևը լրացնելու կամ Պատվերը/գնումը ձևակերպելու միջոցով և ներառում են հետևյալ տեղեկատվությունը.

4.6.1.Օգտատիրոջ ազգանունը, անունը,

4.6.2. ծննդյան ամսաթիվը, սեռը,

4.6.3. Օգտատիրոջ կոնտակտային հեռախոսը,

4.6.4. էլ. փոստի հասցեն (e-mail),

4.6.5. ապրանքի առաքման հասցեն,

4.6.6. Օգտատիրոջ բնակության վայրը,

4.6.7. Օգտատիրոջ մասին այլ տեղեկատվություն, որոնց ստացման հնարավորությունը պայմանավորված է տեխնիկապես:

4.7. HENDERSON-ը պաշտպանում է այն տվյալները, որոնք ավտոմատ կերպով փոխանցվում են գովազդային բլոկներ դիտելիս և այնպիսի էջեր այցելելիս, որոնցում տեղադրված է համակարգի վիճակագրական սքրիպտ («պիքսել»):

4.7.1. IP հասցե (չի օգտագործվում Օգտատիրոջ ինքնությունը պարզելու համար, հավաքման նպատակը տեխնիկական խնդիրների բացահայտումն ու լուծումն է, իրականացվող ֆինանսական վճարումների օրինականության վերահսկումը),

4.7.2. տեղեկատվություն cookies-ից,

4.7.3. տեղեկատվություն բրաուզերի մասին (կամ այլ ծրագրի, որով իրականացվում է հասանելիություն գովազդի ցուցադրմանը),

4.7.4. հասանելիության ժամը,

4.7.5. էջի հասցեն, որտեղ տեղակայված է գովազդային բլոկը,

4.7.6. ռեֆերերը (նախորդ էջի հասցեն),

4.7.7. նմանատիպ այլ տեղեկատվություն։

4.8. HENDERSON-ը չի ստուգում Օգտատիրոջ կողմից տրամադրված անձնական տեղեկատվության հավաստիությունը և հնարավորություն չունի գնահատելու նրա գործունակությունը: Սակայն, HENDERSON-ը և Օգտատերը ելնում են նրանից, որ Օգտատերն ապահովում է հավաստի և բավարար տեղեկատվություն և պահպանում է այդ տեղեկատվությունը ակտուալ վիճակում։

4.9. Կայքի ադմինիստրացիան պատասխանատվություն չի կրում Կայքում Օգտատիրոջ/Գնորդի կողմից ընդհանուր հասանելիությամբ տրամադրված տեղեկատվության համար:

4.10. Կայքի ադմինիստրացիան իրավունք ունի Օգտատիրոջ էլեկտրոնային փոստին և բջջային հեռախոսին ուղարկել տեղեկատվական, այդ թվում՝ գովազդային հաղորդագրություններ, նրա համաձայնությամբ, որն արտահայտվում է նրա կողմից այնպիսի գործողություններ կատարելու միջոցով, որոնք միանշանակորեն նույնականացնում են այդ Բաժանորդին և թույլ են տալիս հավաստիորեն հաստատել նրա կամարտահայտությունը հաղորդագրություն ստանալու վերաբերյալ: Օգտատերն իրավունք ունի հրաժարվել գովազդային և այլ տեղեկատվություն ստանալուց՝ առանց հրաժարվելու պատճառները բացատրելու՝ HENDERSON-ին տեղեկացնելով իր հրաժարվելու մասին 8248 հեռախոսահամարով կամ համապատասխան դիմումը Վաճառողի privilege@henderson.am էլեկտրոնային հասցեին ուղարկելու միջոցով: Ծառայության հաղորդագրությունները, որոնք տեղեկացնում են Օգտատիրոջը/Գնորդին պատվերի և դրա մշակման փուլերի մասին, ուղարկվում են ավտոմատ կերպով և Օգտագործողի/Գնորդի կողմից չեն կարող մերժվել:

4.11. Կայքի ադմինիստրացիան տեղեկատվություն է ստանում / Կայքի այցելուի IP հասցեի մասին։

4.12. Կայքի ադմինիստրացիան իրավունք ունի իրականացնել Օգտատիրոջ/Գնորդի հետ հեռախոսային խոսակցությունների ձայնագրություններ։ Ընդ որում, Ադմինիստրացիան պարտավորվում է կանխել հեռախոսային խոսակցությունների ընթացքում ստացված տեղեկատվության հանդեպ չթույլատրված հասանելիության փորձերը և/կամ դրա փոխանցումը Պատվերների կատարման հետ անմիջական կապ չունեցող երրորդ անձանց՝ «Անձնական տվյալների պաշտպանության մասին» ՀՀ օրենքին համապատասխան։

5.1. Պատվերը կարող է ձևակերպվել Կայքում Այցելուի կողմից գրանցվելու, առանց Կայքում գրանցվելու Պատվերը ձևակերպելու ժամանակ, ինչպես նաև Գնորդից հեռախոսով Պատվերի ընդունման պահից: Ինտերնետով Պատվեր ձևակերպելիս Գնորդը լրացնում է ապրանքի Պատվերի էլեկտրոնային ձևը և ձևավորված Պատվերն ուղարկում է Վաճառողին Ինտերնետի միջոցով։

5.2. Վաճառողի պահեստում Գնորդի կողմից պատվիրված ապրանքների բացակայության դեպքում վերջինս իրավունք ունի նշված ապրանքը հանել Պատվերից / չեղարկել Գնորդի Պատվերը՝ այդ մասին տեղեկացնելով Գնորդին՝ գրանցման ժամանակ Գնորդի կողմից նշված հասցեով համապատասխան էլեկտրոնային հաղորդագրություն ուղարկելու միջոցով (կամ HENDERSON Call-կենտրոն օպերատորին զանգելու միջոցով)։

5.3. Ամբողջությամբ կամ մասամբ վճարված Պատվերը չեղարկելու դեպքում չեղարկված ապրանքի արժեքը Վաճառողի կողմից վերադարձվում է Գնորդին այն եղանակով, որով ապրանքի համար վճարվել է:

5.4. Գնորդն իրավունք ունի ձևակերպել Ինտերնետ խանութի Կայքում առկա կամ նախնական պատվերի համար հասանելի ցանկացած ապրանքի պատվեր, Կայքի միջոցով պատվեր կատարելու տեխնիկական հնարավորություն առկայության պայմանով։

5.5. Պատվերը ստանալուց հետո Վաճառողը Գնորդի հետ հեռախոսով և (կամ) e-mail-ով համաձայնեցնում է Պատվերի խանութ-սրահ առաքման տվյալները և ամսաթիվը։ Խանութ-սրահ Առաքման ամսաթիվը կախված է այն Պատվերի ձևակերպման ժամանակից։

5.6. Գնորդն իրավունք ունի փոխել Պատվերի կազմը մինչև այն առաքման ծառայություն հանձնելու պահը։ Պատվերը առաքման ծառայությանը փոխանցելու ակնկալվող ամսաթիվը Գնորդին հաղորդվում է Պատվերը սպասարկող մենեջերի կողմից էլեկտրոնային փոստով կամ Գնորդին հսկիչ զանգով:

5.7. Վաճառողը պետք է հաստատի Հաճախորդի կողմից Ինտերնետ խանութի կայքում ձևավորված պատվերը հեռախոսի և (կամ) էլեկտրոնային փոստի միջոցով: Պատվերում սխալ նշված կոնտակտային տվյալների, ինչպես նաև պատվերի ձևակերպման պահից 3 (երեք) օրացուցային օրվա ընթացքում Գնորդից պատասխան չստանալու դեպքում Վաճառողն իրավունք ունի Պատվերն ամբողջությամբ չեղարկել։

6.1. Ինտերնետ խանութում վաճառվող ապրանքի գինը նշվում է դրամով և ներառում է ավելացված արժեքի հարկը։ Գնորդը պարտավոր է վճարել դրամարկղում՝ Պատվերը ստանալուց պահին:

6.2.Ապրանքի գինը նշված է Կայքում: Գնորդի կողմից պատվիրված ապրանքի գինը սխալ նշելու դեպքում, Վաճառողն այդ մասին տեղեկացնում է Գնորդին Պատվերը ուղղված գնով հաստատելու կամ Պատվերը չեղարկելու համար: Գնորդի հետ կապ հաստատելու անհնարինության դեպքում Պատվերը համարվում է չեղարկված։

6.3.Կայքում Ապրանքի գինը կարող է Վաճառողի կողմից միակողմանի կարգով փոփոխվել: Ընդ որում, Գնորդի պատվիրած ապրանքի գինը փոփոխման ենթակա չէ։

6.4. Բանկային քարտերով ապրանքների վճարման առանձնահատկությունները.

6.4.1. «ՀՀ տարածքում վճարային քարտի թողարկման, սպասարկման և տարածման, ինչպես նաև վճարային քարտով գործառնությունների իրականացման կարգը» հաստատելու և ՀՀ կենտրոնական բանկի խորհրդի 2006 թվականի հունվարի 31-ի թիվ 39-Ն որոշումն ուժը կորցրած ճանաչելու մասին» 04.11.2014թ. թիվ-300-Ն ԿԲ խորհրդի որոշման համաձայն՝ բանկային քարտերով գործառնությունները կատարում է քարտապանը կամ նրա կողմից լիազորված անձը:

6.4.2.Բանկային քարտերով գործառնությունների իրավազորումն իրականացվում է բանկի կողմից: Եթե բանկը հիմքեր ունի ենթադրելու, որ գործառնությունը կրում է խարդախության բնույթ, ապա բանկն իրավունք ունի մերժել այդ գործառնության իրականացումը: Բանկային քարտերով խարդախ գործարքները ներառված են ՀՀ քրեական օրենսգրքի 255 հոդվածի գործողության ներքո։

6.4.3. Վճարման ընթացքում բանկային քարտերի տարատեսակ ոչ իրավաչափ օգտագործման դեպքերից խուսափելու համար Կայքում ձևակերպված և բանկային քարտով կանխավճարային բոլոր պատվերները Վաճառողի կողմից ստուգվում են: Սեփականատիրոջ ինքնությունը և քարտի օգտագործման իրավասությունը ստուգելու համար Վաճառողն իրավունք ունի այդպիսի պատվեր կատարած Գնորդից պահանջել ներկայացնել անձը հաստատող փաստաթուղթ:

6.5. Ապրանքի վճարումը կարող է կատարվել բանկային քարտով HENDERSON սրահներում ապրանք ձեռք բերելիս։

7.1. Հայաստանի սրահներից գնված ապրանքի վերադարձը/փոխանակումը կատարվում է Հայաստանի HENDERSON-ի ցանկացած սրահում (սրահների հասցեները)՝ անկախ գնման վայրից: Գնորդն իրավունք ունի փոխանակել/վերադարձնել ապրանքը կամ ապրանքը հանձնել Հայաստանի HENDERSON ցանցի ցանկացած սրահում որակի ներքին ստուգման համար:

7.2. Վերադարձի/փոխանակման կարգը կատարվում է կտրոնի առկայության դեպքում:

7.3. Պատշաճ որակի ապրանքի վերադարձը: Գնորդն իրավունք ունի հրաժարվել պատվիրված ապրանքից այն ստանալուց առաջ ցանկացած ժամանակ, իսկ ապրանքը ստանալուց հետո՝ 30 օրվա ընթացքում՝ չհաշված գնման օրը։ Պատշաճ որակի ապրանքի վերադարձը հնարավոր է այն դեպքում, երբ պահպանված են դրա ապրանքային տեսքը, սպառողական հատկությունները, ինչպես նաև նշված ապրանքի գնման փաստն ու պայմանները հաստատող փաստաթուղթը։

7.4. Եթե Գնորդի դիմելու պահին նմանատիպ ապրանք Վաճառողի մոտ վաճառքում չկա, ապա Գնորդն իրավունք ունի հրաժարվել սույն Համաձայնագրի կատարումից և պահանջել վերադարձնել նշված ապրանքի համար վճարված դրամական գումարը:

7.5. Ոչ պատշաճ որակի ապրանքների վերադարձը: Ոչ պատշաճ որակի ապրանք ասելով՝ հասկացվում է ապրանքը, որը թերի է և չի կարող ապահովել իր ֆունկցիոնալ հատկությունների կատարումը։ Ստացված ապրանքը պետք է համապատասխանի Կայքի նկարագրությանը: Դիզայնի տարրերի կամ Կայքում նկարագրության մեջ նշված ձևավորման տարբերությունը ապրանքի անսարքություն կամ ոչ ֆունկցիոնալություն չի հանդիսանում:

7.6. Եթե Գնորդին փոխանցվել է ոչ պատշաճ որակի Ապրանք, և այլ բան նախապես համաձայնեցված չէ Վաճառողի կողմից, ապա Գնորդն իրավունք ունի օգտվել «Սպառողների իրավունքների պաշտպանության մասին» ՀՀ օրենքի, ՀՀ քաղաքացիական օրենսգրքի դրույթներից: Ապրանքի համար վճարված դրամական գումարի վերադարձման պահանջները ենթակա են բավարարման համապատասխան պահանջի ներկայացման օրվանից 10 օրվա ընթացքում:

7.7. Փոխանակման համար համապատասխան Ապրանքի բացակայության դեպքում Գնորդն իր ցանկությամբ կարող է ձեռք բերել HENDERSON նվեր քարտ:

Մենք վերահսկում ենք մեր կողմից արտադրվող ապրանքի բարձր որակը արտադրության բոլոր փուլերում՝ կտորից և պարագաներից մինչև վաճառքի հանվող պատրաստի արտադրանքը, ինչը մեզ թույլ է տվել կրճատել խոտանի պատճառով ապրանքի վերադարձը մինչև 0,1%:

HENDERSON արտոնության քարտերի սեփականատերերի համար մենք գործարկել ենք եզակի ծառայություն՝ 24 ամսվա ընթացքում ձեռք բերված բոլոր ապրանքների համար անվճար երաշխիքային սպասարկում*։

Եթե գնված ապրանքի թերությունը հայտնաբերել եք գնման պահից 30 օրվա ընթացքում, Դուք հնարավորություն ունեք ապրանքը վերադարձնել կամ այն փոխանակել նորով:

Եթե գնման պահից անցել է ավելի քան 30 օր, HENDERSON-ը.

• ապրանքը կընդունի ձեզ համար հարմար ցանկացած սրահում որակի ներքին ստուգման համար և արդյունքների մասին կտեղեկացնի 7 աշխատանքային օրվա ընթացքում,
• կիրականացնի ապրանքի երաշխիքային վերանորոգում 14-ից 30 աշխատանքային օրվա ընթացքում (վերանորոգման համար նախատեսված ապրանքներն ընդունվում են միայն մաքուր տեսքով),
• ապրանքը կփոխանակի նորով կամ կվերադարձնի դրա գումարը, եթե վերանորոգումը հնարավոր չէ:

Երաշխիքային սպասարկում ստանալու համար անհրաժեշտ է դիմել Ձեզ համար հարմար ցանկացած սրահ և ներկայացնել HENDERSON արտոնությունների քարտը և գնման կտրոնը։

Ձեր քաղաքի սրահներում դերձակների աշխատանքի մասին ճշտեք խորհրդատու վաճառողներից։

Կողմերը պետք է ձեռնարկեն անհրաժեշտ միջոցները վեճը բանակցությունների միջոցով լուծելու համար։ Անհամաձայնության դեպքում, վեճը ենթակա է լուծման ՀՀ իրավասու դատարանների կողմից։

HENDERSON ՀԱՃԱԽՈՐԴՆԵՐԻ ԱՋԱԿՑՈՒԹՅԱՆ ԾԱՌԱՅՈՒԹՅՈՒՆ՝Հեռախոս՝ 8248 երկ-ուրբ 9:30-ից մինչև 18:30, privilege@henderson.am էլեկտրոնային փոստով: